ರಕ್ಷಣಾ ಕ್ಷೇತ್ರದಲ್ಲಿ ವೃತ್ತಿಜೀವನ ರೂಪಿಸಿಕೊಳ್ಳಲು ಬಯಸುವ ಯುವಕರಿಗೆ ಇಲ್ಲಿದೆ ಒಂದು ಭರ್ಜರಿ ಸುದ್ದಿ. ಕೇಂದ್ರ ಮೀಸಲು ಪೊಲೀಸ್ ಪಡೆ (CRPF) ಸಿಪಾಯಿ (ತಾಂತ್ರಿಕ, ಟ್ರೇಡ್ಸ್ಮನ್ ಮತ್ತು ಪಯೋನೀರ್) ಹುದ್ದೆಗಳ ಭರ್ತಿಗೆ ಅಧಿಕೃತ ಅಧಿಸೂಚನೆಯನ್ನು ಹೊರಡಿಸಿದೆ.
ಈ ನೇಮಕಾತಿ ಅಭಿಯಾನದ ಮೂಲಕ ಒಟ್ಟು 9,195 ಹುದ್ದೆಗಳನ್ನು ಭರ್ತಿ ಮಾಡಲಾಗುತ್ತಿದ್ದು, ಸರ್ಕಾರಿ ಉದ್ಯೋಗದ ಹುಡುಕಾಟದಲ್ಲಿರುವ 10ನೇ ತರಗತಿ ಉತ್ತೀರ್ಣರಾದ ಅಭ್ಯರ್ಥಿಗಳಿಗೆ ಇದು ಉತ್ತಮ ಅವಕಾಶವಾಗಿದೆ.
ಪ್ರಮುಖ ದಿನಾಂಕಗಳು
ಅಧಿಸೂಚನೆ ಪ್ರಕಟವಾದ ದಿನಾಂಕ: ಏಪ್ರಿಲ್ 08, 2026
ಅರ್ಜಿ ಸಲ್ಲಿಕೆ ಪ್ರಾರಂಭ: ಏಪ್ರಿಲ್ 20, 2026
ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: ಮೇ 19, 2026
ಅರ್ಜಿ ಸಲ್ಲಿಸುವ ವಿಧಾನ: ಆನ್ಲೈನ್ ಮೂಲಕ (ಅಧಿಕೃತ ವೆಬ್ಸೈಟ್: rect.crpf.gov.in)
ಹುದ್ದೆಗಳ ವಿವರ
ಕಾನ್ಸ್ಟೇಬಲ್ (ತಾಂತ್ರಿಕ ಮತ್ತು ಟ್ರೇಡ್ಸ್ಮನ್): ಒಟ್ಟು 9,175 ಹುದ್ದೆಗಳು. (ಪುರುಷರು: 9,096, ಮಹಿಳೆಯರು: 79).
ಕಾನ್ಸ್ಟೇಬಲ್ (ಪಯೋನೀರ್ ವಿಂಗ್): ಒಟ್ಟು 20 ಹುದ್ದೆಗಳು (ಪುರುಷರಿಗೆ ಮಾತ್ರ). ಇದರಲ್ಲಿ ಮೇಸನ್ (13) ಮತ್ತು ಎಲೆಕ್ಟ್ರಿಷಿಯನ್ (7) ಹುದ್ದೆಗಳಿವೆ.
ವೇತನ ಶ್ರೇಣಿ
ಆಯ್ಕೆಯಾದ ಅಭ್ಯರ್ಥಿಗಳಿಗೆ ಏಳನೇ ವೇತನ ಆಯೋಗದ ಪೇ ಲೆವೆಲ್-3 ರ ಅಡಿಯಲ್ಲಿ ₹21,700 ರಿಂದ ₹69,100 ವರೆಗೆ ಮಾಸಿಕ ವೇತನ ನೀಡಲಾಗುತ್ತದೆ.
ಅರ್ಹತೆ ಮತ್ತು ವಯೋಮಿತಿ
ಡ್ರೈವರ್: 10ನೇ ತರಗತಿ ಪಾಸಾಗಿರಬೇಕು ಮತ್ತು ಭಾರೀ ಸಾರಿಗೆ ವಾಹನ (HTV) ಪರವಾನಗಿ ಹೊಂದಿರಬೇಕು. (ವಯೋಮಿತಿ: 21 ರಿಂದ 27 ವರ್ಷ).
ಮೆಕ್ಯಾನಿಕ್ ಮೋಟಾರ್ ವೆಹಿಕಲ್: 10ನೇ ತರಗತಿ ಪಾಸಾಗಿರಬೇಕು ಹಾಗೂ ಸಂಬಂಧಿತ ಟ್ರೇಡ್ನಲ್ಲಿ ITI ಅಥವಾ ಅಪ್ರೆಂಟಿಸ್ಶಿಪ್ ಮಾಡಿರಬೇಕು. (ವಯೋಮಿತಿ: 18 ರಿಂದ 23 ವರ್ಷ).
ಇತರ ಟ್ರೇಡ್ಸ್ಮನ್ ಮತ್ತು ಪಯೋನೀರ್: ಕನಿಷ್ಠ 10ನೇ ತರಗತಿ ಪಾಸ್ ಮತ್ತು ಸಂಬಂಧಿತ ಕೆಲಸದಲ್ಲಿ ಪ್ರಾವೀಣ್ಯತೆ ಹೊಂದಿರಬೇಕು. (ವಯೋಮಿತಿ: 18 ರಿಂದ 23 ವರ್ಷ).
ವಯೋಮಿತಿ ಸಡಿಲಿಕೆ: SC/ST ಅಭ್ಯರ್ಥಿಗಳಿಗೆ 5 ವರ್ಷ, OBC ಅಭ್ಯರ್ಥಿಗಳಿಗೆ 3 ವರ್ಷ ಹಾಗೂ ಮಾಜಿ ಸೈನಿಕರಿಗೆ ನಿಯಮಾನುಸಾರ ವಯೋಮಿತಿ ಸಡಿಲಿಕೆ ಇರುತ್ತದೆ.
ಆಯ್ಕೆ ಪ್ರಕ್ರಿಯೆ
ನೇಮಕಾತಿಯು ಈ ಕೆಳಗಿನ ಹಂತಗಳನ್ನು ಒಳಗೊಂಡಿರುತ್ತದೆ:
ಲಿಖಿತ ಪರೀಕ್ಷೆ: 100 ಅಂಕಗಳ ಪರೀಕ್ಷೆ (2 ಗಂಟೆ). ಇದರಲ್ಲಿ ರೀಸನಿಂಗ್, ಸಾಮಾನ್ಯ ಜ್ಞಾನ, ಗಣಿತ ಮತ್ತು ಭಾಷೆ (ಹಿಂದಿ/ಇಂಗ್ಲಿಷ್) ವಿಷಯಗಳಿಂದ ತಲಾ 25 ಪ್ರಶ್ನೆಗಳಿರುತ್ತವೆ. (ನೆನಪಿರಲಿ: ಪ್ರತಿ ತಪ್ಪು ಉತ್ತರಕ್ಕೆ 0.25 ನೆಗೆಟಿವ್ ಮಾರ್ಕಿಂಗ್ ಇರುತ್ತದೆ).
ದೈಹಿಕ ಪರೀಕ್ಷೆ (PST & PET): ಎತ್ತರ ಮತ್ತು ಓಟದ ಪರೀಕ್ಷೆ. (ಪುರುಷರಿಗೆ 170 ಸೆಂ.ಮೀ, ಮಹಿಳೆಯರಿಗೆ 157 ಸೆಂ.ಮೀ ಎತ್ತರ ಕಡ್ಡಾಯ).
ಕೌಶಲ್ಯ ಪರೀಕ್ಷೆ (Trade Test): 50 ಅಂಕಗಳ ಪರೀಕ್ಷೆ, ಇದರಲ್ಲಿ ಉತ್ತೀರ್ಣರಾಗಲು 20 ಅಂಕಗಳು ಅನಿವಾರ್ಯ.
ದಾಖಲೆ ಪರಿಶೀಲನೆ ಮತ್ತು ವೈದ್ಯಕೀಯ ತಪಾಸಣೆ.
ಅರ್ಜಿ ಶುಲ್ಕ
ಸಾಮಾನ್ಯ (General), EWS ಮತ್ತು OBC ವರ್ಗದ ಪುರುಷ ಅಭ್ಯರ್ಥಿಗಳಿಗೆ: ₹100.
SC, ST, ಎಲ್ಲಾ ವರ್ಗದ ಮಹಿಳೆಯರು ಮತ್ತು ಮಾಜಿ ಸೈನಿಕರಿಗೆ: ಶುಲ್ಕ ಇರುವುದಿಲ್ಲ.
ಗಮನಿಸಿ: ಅರ್ಜಿ ಸಲ್ಲಿಸುವ ಮೊದಲು ಅಧಿಕೃತ ಅಧಿಸೂಚನೆಯನ್ನು ಸಂಪೂರ್ಣವಾಗಿ ಓದಿಕೊಳ್ಳಲು ಸೂಚಿಸಲಾಗಿದೆ.