ಕೊಲಂಬೊದಲ್ಲಿ ನಡೆದ ಟಿ20 ವಿಶ್ವಕಪ್ ನ ಸೂಪರ್ 8 ಹಂತದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ನ್ಯೂಜಿಲೆಂಡ್ ತಂಡ ನಿಗದಿತ 20 ಓವರ್ ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 168 ರನ್ ಗಳಿಸಿತು. ಇದಕ್ಕುತ್ತಕವಾಗಿ ಶ್ರೀಲಂಕಾ ತಂಡ 10 ಓವರ್ ಗಳು ಮುಗಿದಾಗ 107 ರನ್ ಗಳಿಸಲು ಶಕ್ತವಾಯಿತು.
(ಸ್ಕೋರ್ ಕಾರ್ಡ್)

ಶ್ರೀಲಂಕಾ ತಂಡದ ಪರವಾಗಿ ಕಮಿಂಡು ಮೆಂಡಿಸ್(23 ಎಸೆತದಲ್ಲಿ 31 ರನ್) ಮತ್ತು ದನಿತ್ ವೆಲ್ಲಲಗೆ(23 ಎಸೆತದಲ್ಲಿ 29 ರನ್) ಹೊರತುಪಡಿಸಿದರೆ ಬೇರಾವ ಬ್ಯಾಟರ್ ಕೂಡ ನ್ಯೂಜಿಲೆಂಡ್ ದಾಳಿಗೆ ಪ್ರತಿರೋಧ ತೋರಲಿಲ್ಲ. ಸ್ಪಿನ್ ಬೌಲಿಂಗ್ ಗೆ ಸಹಕಾರ ನೀಡುತ್ತಿದ್ದ ಪಿಚ್ ನಲ್ಲಿ ರಚಿನ್ ರವೀಂದ್ರ ಅವರು 27 ರನ್ ಗೆ 4 ವಿಕೆಟ್ ಕಬಳಿಸಿದರು. ಮ್ಯಾಟ್ ಹೆನ್ರಿ ಅವರು 2 ವಿಕೆಟ್ ಎಗರಿಸಿದರು.

ಇದಕ್ಕೂ ಮೊದಲು ಟಾಸ್ ಸೋತು ಬ್ಯಾಟಿಂಗ್ ಗೆ ಇಳಿಸಲ್ಪಟ್ಟ ನ್ಯೂಜಿಲೆಂಡ್ ತಂಡ 12.1 ಓವರ್ ಗಳಲ್ಲಿ 84 ರನ್ ಗೆ 6 ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿ ಸಿಲುಕಿತ್ತು. ಆದರೆ ಅಂತಿಮ ಹಂತದಲ್ಲಿ ಆಲ್ರೌಂಡರ್ ಮಿಚೆಲ್ ಸ್ಯಾಂಟ್ನರ್(28 ಎಸೆತದಲ್ಲಿ 47) ಮತ್ತು ಕೋಲ್ ಮೆಕಂಚಿ(23 ಎಸೆತದಲ್ಲಿ 40) ಅವರ ಬಿರುಸಿನ ಬ್ಯಾಟಿಂಗ್ ನಿಂದಾಗಿ ನ್ಯೂಜಿಲೆಂಡ್ ಸ್ಪರ್ಧಾತ್ಮಕ ಮೊತ್ತ ಗಳಿಸುವಂತಾಯಿತು. ಲಂಕಾ ಪರ ಮಹೀಶ ತೀಕ್ಷಣ ಮತ್ತು ದುಶ್ಮಂತ ಚಾಮೀರ ತಲಾ 3 ವಿಕೆಟ್ ಗಳಿಸಿದರು.

ಪಾಕಿಸ್ತಾನದ ಕತೆಯೇನು?

ಪಾಕಿಸ್ತಾನ ತನ್ನ ಕೊನೇ ಪಂದ್ಯದಲ್ಲಿ ಶ್ರೀಲಂಕಾ ವಿರುದ್ಧ ದೊಡ್ಡ ಅಂತರದಲ್ಲಿ ಗೆಲ್ಲಬೇಕು. ಮಾತ್ರವಲ್ಲದೆ ಇಂಗ್ಲೆಂಡ್ ತಂಡ ನ್ಯೂಜಿಲೆಂಡ್ ತಂಡವನ್ನು ದೊಡ್ಡ ಅಂತರದಿಂದ ಸೋಲಿಸಿದಲ್ಲಿ ಮಾತ್ರವೇ ಇದೀಗ ಪಾಕಿಸ್ತಾನಕ್ಕೆ ಸೆಮಿಫೈನಲ್ ಅವಕಾಶ ಇದೆ. ಇದೀಗ ಭರ್ಜರಿ ಫಾರ್ಮ್ ನಲ್ಲಿರುವ ನ್ಯೂಜಿಲೆಂಡ್ ತಂಡ ತನ್ನ ಅಂತಿಮ ಪಂದ್ಯದಲ್ಲಿ ಇಂಗ್ಲೆಂಡ್ ಅನ್ನು ಸೋಲಿಸಿದಲ್ಲಿ ಪಾಕಿಸ್ತಾನವೂ ಟೂರ್ನಿಯಿಂದ ಹೊರಬೀಳಲಿದೆ. ಒಂದು ವೇಳೆ ಶ್ರೀಲಂಕಾ ತಂಡ ನ್ಯೂಜಿಲೆಂಡ್ ಅನ್ನು ಸೋಲಿಸಿದಲ್ಲಿ ಪಾಕಿಸ್ತಾನದ ಸೆಮಿಫೈನಲ್ ಹಾದಿ ಇದಕ್ಕಿಂತ ಸುಲಭವಿರುತ್ತಿತ್ತು.
(ಅಂಕಪಟ್ಟಿ)

ಸಂಕ್ಷಿಪ್ತ ಸ್ಕೋರ್

• ನ್ಯೂಜಿಲೆಂಡ್ 20 ಓವರ್ ಗಳಲ್ಲಿ 168/7, ಮಿಚೆಲ್ ಸ್ಯಾಂಟ್ನರ್ 47(26), ಕೋಲ್ ಕೋಲ್ ಮೆಕೊಂಚಿ ನಾಟೌಟ್ 31(23), ರಚಿನ್ ರವೀಂದ್ರ 32(22). ಮಹೀಶ್ ತೀಕ್ಷಣ 30ಕ್ಕೆ 3, ದುಶ್ಮಂತ ಚಾಮಿರ 38ಕ್ಕೆ 3.
• ಶ್ರೀಲಂಕಾ 20 ಓವರ್ ಗಳಲ್ಲಿ 107/8, ಕಮಿಂಡು ಮೆಂಡಿಸ್ 31(23), ದುನಿತ್ ವಲ್ಲಲಗೆ 29(23), ಕುಸಾಲ್ ಮೆಂಡಿಸ್ 11(22), ರಚಿನ್ ರವೀಂದ್ರ 27ಕ್ಕೆ 4, ಮ್ಯಾಟ್ ಹೆನ್ರಿ 3ಕ್ಕೆ 2. ಮಿಚೆಲ್ ಸ್ಯಾಂಟ್ನರ್ 19/1